今晚维拉利尔对阵切尔达的比赛啊，其实已经系第三轮嘅第一场，西甲赛程方面，设置得比较有意思啊，周中开一个快车。前面两轮过后，令人意外的系西甲当中可以攞到两场全胜的，只有切尔达以及巴塞罗那。切尔达第一轮2 : 1击败阿拉维斯，第二轮3 : 1击败华伦西亚，已经37岁高龄嘅老将艾斯帕斯连场入球。

但系如果我哋将目光放翻喺切尔达成队身上，大家都会明白，实际上，佢哋属于“限米煮限饭”类型。球队连续几季都系实现保组。上一季虽然排名第13，但系12位到17位嘅球队，彼此之间就只有五分差距。上赛季佢哋喺主场嘅表现属于均衡。至于客场方面，就系四胜五平十负，输波场次达到两位数字的球队，上个赛季嘅西甲当中总共只有七队。

所以而家真正嘅挑战嚟啦，经过咗连续两个主场作战，切尔达将会第一次踢客场。维拉利尔喺主场联赛面对住切尔达，已经系keep住三个赛季都可以击败对手。

上个赛季维拉利尔最后名列积分榜第八位，无缘打欧战，只差四分而已。最重要的问题就系佢哋主场抢分有所欠缺。上赛季联赛主场只有七胜五平七负，净胜球夹埋得四个。反而喺客场方面抢分可以排到第六位。

今场波其实我最期待的，是连续作战情况之下，两支球队可唔可以保持翻一个比较好的状态。双方经历咗连续两场大战，都有较多的入球。系一周双赛情况之下，呢场可能会比较谨慎行军。如果大家从防守做起先，我期待可能入球唔会太多了。不过维拉利尔方面，由于主场胜利的渴求，加上丹祖马连续的入球表现，我相信佢哋可以有机会啊，喺切尔达身上赢波。